Қазақстан азаматтығын алуға ниетті азаматтардан өтініш қабылдау 10 тамызда басталады, деп хабарлайды Malim.kz.
Ұлттық тестілеу орталығының мәліметінше, өтініштер 10-20 тамыз аралығында қабылданады, ал тестілеу 22 тамызда өтеді.
Тестілеу үш блоктан тұрады:
Қазақ тілі – 30 тапсырма, шекті балл – 15;
Қазақстан Республикасы Конституциясының негіздері – 40 тапсырма, шекті балл – 20. Тест қазақ немесе орыс тілінде тапсырылады;
Қазақстан тарихы – 30 тапсырма, шекті балл – 15. Тест қазақ немесе орыс тілінде тапсырылады.
Тестілеуден жинауға болатын ең жоғары балл – 100. Өту үшін кемінде 50 балл жинау қажет.
Өтініш беру мерзімі – 10-20 тамыз, тестілеу күні – 22 тамыз.
