Көлік министрлігінің мәліметінше, Қазақстанда тағы бір жол учаскесі ақылы болмақ. Әңгіме Шу – Бурылбайтал бағыты туралы болып отыр, деп хабарлайды Malim.kz.
Бұл шешім 13 мамырдан бастап күшіне енеді. Жаңа тәртіп ең алдымен коммерциялық көліктерге қатысты — жеңіл автокөліктер үшін жол ақысы алынбайды.
Жол ақысынан жалтарғысы келетіндер үшін балама бағыт бар: Шу – Қайнар – Кенен – Қарабастау – Қаншенгель – Ақсүйек – Бурылбайтал.
Төлем мөлшері көлік түріне байланысты және АЕК-ке (2025 жылы 3932 теңге) сәйкес есептеледі:
16 орынға дейінгі автобустар мен 2,5 тоннаға дейінгі жүк көліктері үшін:
1 032 теңге (алдын ала төлем);
1 213 теңге (кейін төлеу).
32 орынға дейінгі автобустар мен 5,5 тоннаға дейінгі жүк көліктері үшін:
2 083 теңге (алдын ала төлем);
2 446 теңге (кейін төлеу).
32 орыннан асатын автобустар мен 10 тоннаға дейінгі автопоездар үшін:
3 115 теңге (алдын ала төлем);
3 659 теңге (кейін төлеу).
10-15 тонна аралығындағы жүк көліктері үшін:
4 156 теңге (алдын ала төлем);
4 892 теңге (кейін төлеу).
15 тоннадан асатын жүк көліктері, тіркемесі бар көліктер мен тартқыштар үшін:
5 188 теңге (алдын ала төлем);
6 105 теңге (кейін төлеу).
Тұрақты пайдаланушылар үшін абонементтер қарастырылған — көлік түріне байланысты айына 1-ден 5 АЕК-ке дейін немесе жылына 12-ден 60 АЕК-ке дейін.
Фото: pixabay.com
