2026 жылғы тамызда Қазақстан тұрғындарына мемлекеттік мерекелерге байланысты қосымша демалыс берілмейді. Бес күндік жұмыс аптасында еңбек ететіндер ай бойы 10 күн демалса, алты күндік кестемен жұмыс істейтіндерге 5 демалыс күні беріледі, деп хабарлайды Malim.kz.
Тамыз айында барлығы 31 күн бар. Бес күндік жұмыс аптасында 21 жұмыс күні мен 10 демалыс күні болады. Ал алты күндік жұмыс аптасында 26 күн жұмыс істеп, 5 күн демалады.
2026 жылғы тамыздағы демалыс күндері
Бес күндік жұмыс аптасында сенбі мен жексенбі демалыс болып есептеледі. Тамыздағы демалыс күндері:
- 1–2 тамыз;
- 8–9 тамыз;
- 15–16 тамыз;
- 22–23 тамыз;
- 29–30 тамыз.
Осылайша, бес күндік кестемен жұмыс істейтін қазақстандықтар тамызда жалпы 10 күн демалады.
Алты күндік жұмыс аптасында жексенбі жалпы демалыс күні саналады. ҚР Еңбек кодексіне сәйкес бес күндік және алты күндік жұмыс апталарында жексенбі ортақ демалыс күні болып белгіленген.
Алты күндік жұмыс аптасындағы демалыс күндері:
2, 9, 16, 23 және 30 тамыз.
30 тамыз демалыс күні ме?
2026 жылғы 30 тамыз жексенбіге сәйкес келеді. Сондықтан бұл күн мемлекеттік мерекеге байланысты емес, қалыпты жұмыс кестесіндегі демалыс күні болады.
Бұған дейін Қазақстанда Конституция күні 30 тамызда атап өтілетін. Алайда 2026 жылғы 15 наурызда республикалық референдумда жаңа Конституция қабылданды. Ол 2026 жылғы 1 шілдеден бастап күшіне енді.
Қолданыстағы «Қазақстан Республикасындағы мерекелер туралы» заңда Конституция күні 15 наурыз деп белгіленген. Осыған байланысты 30 тамыз мемлекеттік мерекелер тізіміне енбейді.
31 тамыз жұмыс күні ме?
2026 жылғы 31 тамыз дүйсенбіге сәйкес келеді және қалыпты жұмыс күні болып саналады.
30 тамыздың жексенбіге түсуіне байланысты демалыс 31 тамызға ауыстырылмайды. Себебі 30 тамыз енді мемлекеттік мереке емес.
Осылайша, бес күндік жұмыс аптасында:
- 29 тамыз – сенбі, демалыс;
- 30 тамыз – жексенбі, демалыс;
- 31 тамыз – дүйсенбі, жұмыс күні.
- Алты күндік жұмыс аптасында:
- 29 тамыз – сенбі, жұмыс күні;
- 30 тамыз – жексенбі, демалыс;
- 31 тамыз – дүйсенбі, жұмыс күні.
Тамызда қандай кәсіби мерекелер бар?
Қосымша демалыс берілмегенімен, 2026 жылғы тамызда Қазақстанда бірнеше кәсіби және атаулы күн атап өтіледі:
- 2 тамыз – Теміржол көлігі жұмыскерлері күні;
- 9 тамыз – Құрылысшы күні;
- 16 тамыз – Спорт күні;
- 18 тамыз – Шекарашылар күні;
- 29 тамыз – Семей ядролық сынақ полигонының жабылған күні;
- 30 тамыз – Шахтер күні.
Теміржолшылар күні тамыздың бірінші жексенбісінде, Құрылысшы күні екінші жексенбісінде, Шахтер күні айдың соңғы жексенбісінде атап өтіледі. Шекарашылар күні 18 тамызға белгіленген.
Спорт күні тамыздың үшінші жексенбісінде аталып өтсе, Семей ядролық сынақ полигонының жабылған күні 29 тамызға сәйкес келеді.
Бұл күндер кәсіби немесе атаулы мерекелер болғанымен, қосымша демалыс берілмейді.
Тамыздағы жұмыс уақыты
40 сағаттық бес күндік жұмыс аптасында тамыздағы жұмыс уақытының мөлшері 168 сағатты құрайды.
Ал 40 сағаттық алты күндік жұмыс аптасында ай бойы 172 сағат жұмыс уақыты болады.
Қорытындылай айтқанда, 2026 жылғы тамызда қазақстандықтарға мерекеге байланысты ұзартылған демалыс қарастырылмаған. Бес күндік жұмыс кестесінде 10 демалыс және 21 жұмыс күні, ал алты күндік кестеде 5 демалыс және 26 жұмыс күні болады.
