26 қыркүйек пен 7 қазан аралығында ҰҚШҰ Ұжымдық бітімгерлік күштерінің «Мызғымас бауырластық-2024» командалық-штабтық оқу-жаттығуы өтеді.
18 қыркүйектен бастап Беларусь, Қазақстан, Қырғызстан, Ресей және Тәжікстанның әскери контингенттері келе бастайды. Алматы және Жетісу облыстарының аумағы арқылы қалың әскер мен техникалар темір жолмен және автомобильмен жеткізіледі.
Әскери іс-шара Алматы облысының «Жағалау» оқу полигоны базасында өтеді
«Азаматтар мен БАҚ өкілдерінен әлеуметтік желілерде таратылатын қауесеттерге мән бермей, тек ресми ақпарат көздеріне сенуін сұраймыз», - деді Қорғаныс министрлігі.
Фото: gov.kz
