Денсаулық сақтау министрі Ақмарал Әлназарованың Талғар ауданы мен Алматы облысы тұрғындарымен кездесуінде айтылған сөз көпшіліктің наразылығын тудырды, деп хабарлайды Malim.kz.
Кездесу барысында облыс әкімінің орынбасары мынадай пікір білдірген:
«Мүгедек адамдарға құрметпен қараңыздар, оларды Алланың өзі жазалап қойған».
Куәгерлердің айтуынша, залда бұл сөзді бірден түсінбей қалғандар да, ашық қарсылық білдіргендер де болған.
Видео әлеуметтік желіге тараған соң дау одан әрі күшейді. Желі қолданушылары мемлекеттік қызметкердің мұндай пікір білдіргеніне таң қалып, оны кемсітушілікке жол берді деп айыптауда. Көпшілік шенеуніктің этикалық нормаларды бұзғанын айтуда.
Құқық қорғаушылар мен белсенділер билік тарапынан ресми түсініктеме талап етіп отыр.
