Соңғы үш күнде Қарағанды облысының Нұра ауданындағы Ізенді, Тассуат ауылдарында да құстар қырыла бастады. Бұның нақты себептерін білу үшін сынамалар алынды.
«Тұрғындарға айтарым, құс еті мен жұмыртқаларын алудан қорықпаңыздар. Барлық өнімдер ветеринарлық профилактикалық тексерістен өтті. Аймақтағы жағдай тұрақты. Күнде құс фабрикаларында дәрігерлер тынымсыз жұмыс істеп жатыр», - деді облыстық ветеринарлық бақылау комитетінің инспекция бастығы Марат Мұхтаров.
Қазіргі кезде құс тұмауының эпицентрлері Ақмола, Қостанай облыстарында тіркеліп отыр. Павлодар, Қарағанды облыстарында лабораториялық тексеріс жүріп жатыр. Мамандардың пікірінше құс тұмауы жыл құстары қайтқан уақытта өршиді.
