Атырау облысында қоғам назарын аударған резонансты оқиғаға қатысты тың деректер белгілі бола бастады, деп хабарлайды Malim.kz.
Оқиғаның жай-жапсарын анықтау мақсатында өңірге барған журналист Жанат Молдашова Instagram желісіндегі парақшасында көпшілікке беймәлім маңызды ақпаратпен бөлісті. Оның айтуынша, Ақбаян Мұқанғалиева мен Сұлтан Сәрсемалиев ресми түрде ажырасқан және заңды некеде болмаған.
"Ақбаян Мұқанғалиева мен Сұлтан Сәрсемалиев ажырасып кеткен. Заңды некеде жоқ. Ендігі сұрақ – ажырасқан ерлі-зайыпты, әрі әйелі (бұрынғы) 1-топ мүгедек, яғни психдиспансерде есепте тұрса, қалай шетелге шықты?" – деп жазды журналист.
