Астанада Сарыарқа ауданындағы Жаяу Мұса көшесінде орналасқан бір қабатты жеке тұрғын үйден өрт шықты, деп хабарлайды Malim.kz.
Оқиға туралы хабарлама 112 пультіне түскен.
Өртті сөндіру барысында құтқарушылар үй ішінен газ баллонын қауіпсіз жерге шығарып, ықтимал жарылыстың алдын алды.
Тілсіз жау толықтай сөндірілді. Зардап шеккендер жоқ.
Төтенше жағдайлар министрлігі тұрғындарды өрт қауіпсіздігі ережелерін қатаң сақтауға шақырды.
