38 жастағы әнші Диас Аблаев неге үйленбей жүргенін түсіндірді
Ол адамға тез бауыр басатынын жеткізді.
Қазақстандық әнші Диас Аблаев Тимур Балымбетовке берген сұхбатында жеке өміріне қатысты сұрақтарға да жауап берді, деп хабарлайды Malim.kz.
Өнер иесі өзінің жалғыз екенін жасырмады.
Иә, жалғызбын. Кейде осылай ыңғайлы, кейде қолайсыз – әртүрлі. Бірақ мен кішкентайымнан жалғыздыққа үйренгенмін. Өзіммен өзім жүре беремін, соған үйреніп қалғанмын. Бірақ кейде жаныма жақын адамның қажеттігін сезінемін, - деді Диас.
Ол өзіне «қашан үйленесің, Нағима Есқалиеваға немере керек» деген сөздер жиі айтылатынын да алға тартты.
Сәуірде қарым-қатынасыма нүкте қойылды. Айырылысу маған өте ауыр соғады. Біреумен кездесу, үйленудің маған қиын болатыны да сондықтан. Мен өзімді толықтай сезімге арнаймын, жанымдағы адамнан да дәл соны талап етемін, бірақ олай болмай шығады. Сонан соң айырылысамыз. Мейлі, үш жыл бола ма, бір ай бола ма, қатты қиналамын. Адамға тез бауыр басамын. Сол үшін де ауыр, - деді Аблаев.
Фото: YouTube/Timur Balymbetov
