Бағлан Әбдірайымов өміріндегі ең үлкен өкініші әкесімен байланысты екенін айтты

«Жігіттер» квартетінің мүшесі Бағлан Әбдірайымов әкесінің өтінішін орындай алмағаны өміріндегі ең үлкен өкініші екенін айтты, деп хабарлайды Malim.kz.

«Ұрпақ» подкастында қонақта болған өнер иесі әкесінің көзі тірісінде сұраған көлігін алып бере алмағанына өкінеді екен. Ол әкесінің денсаулығына қатты алаңдағандықтан да темір тұлпар сыйламағанын алға тартты.

Өмірімдегі өкінішімнің үлкені – әкемнің өтінішін орындай алмадым. Пендешілікке салынып жүріп алыппын. Әкем өмірен өтер алдында «асты биік көлік әперші, мініп жүрейін» деп өтініш айтқан еді. Оның көзі нашар көретін. Көлік әперсем, бірдеңе болып қала ма деп қорықтым. Бірақ туған күні жақындап қалған еді, қарындастарымызбен ақылдаса келе сұрағанын алып берейік деп шештік. Бірақ әкем о дүниелік болып кетті. Адамның емес, құдайдың дегені болады екен. Туған күніне жетпей, таңертең шай ішіп отырып, анама «қан қысымымды өлшеші» деп кереуетте отырған күйі күліп жүріп кете салды. Қатты өкіндім. Сол «әттеген-айды» қалай басамын деген ой маза бермейтін. Өкінішімді басу үшін денсаулығы мүлдем жоқ азаматқа Алланың разылығы үшін көлік сыйладым, - деді әнші. 

Фото: instagram.com/baglan_abdraimov_official