Дүркіретіп той жасаған Әсел Сәдуақасова күйеуімен ажырасып кетті

Танымал актриса Әсел Сәдуақасова күйеуі Мағжан Тлеухановпен қазан айында ресми түрде ажырасып кеткенін мәлімдеді, деп хабарлайды Malim.kz.

«Бүгін жеке өміріме қатысты шындықты айтатын уақыт келді. Сіздердің күдіктеріңіз расталды. 4 қазанда біз ресми түрде ажырастық», – деп жазды ол.

Актриса күйеуімен отбасы ретінде өмір сүре алмайтынын түсінгенін айтады.

«Бұл ортақ шешім болды. Ешкім ешкімді тастап кеткен жоқ, бұл шешімге дейінгі әр қадамды жақсылап ойланып, бірге қабылдадық. Бірден айтайын. Мағжан маған жақын адам болды және болып қала береді. Мен оған бәрін ашық айта алатынмын, сендім және біз бір-бірімізге ең жақын адам болдық, бірақ біз отбасы ретінде ортақ тіл табыса алмадық», - деді актриса.