«Мені өліп қалды деген». Жұлдызай Дүйсенбиева Уәлибек Әбдірайымовпен болған оқиғаны айтты

Қазақстандық актриса әрі блогер Жұлдызай Дүйсенбиева «Шаншар» театрының актері Уәлибек Әбдірайымовқа қатысты қызықты оқиғаны айтып берді, деп хабарлайды Malim.kz. 
Өнер иесі «1001 түн» бағдарламасында қонақта болып, басынан өткен жайтты баяндады. 

«Дина үйге келген. Есікті ашып қалса, бір тотықұсы өліп қалыпты. Ол бақырып жылаған. Өзі аса эмоциналды қыз ғой. Уәлибек ағалар ол кезде Арысқа жетіп қалған екен. Сол сәтте Уәкеңнің әйелі Динаға хабарласқан. Ол қатты жылап, сөзін дұрыс жеткізе алмай қалған. «Жұлдызай әперген тотықұс өлді» деген сөздері Уәлибек ағаның келіншегіне «Жұлдызай өлді» деп естілген ғой. Жанар әпке шошып, «Қашан?» десе, «Білмеймін, үйге келсем, өліп жатыр» деп жауап берген. Солай Уәлибек аға көлікті бұрып, артқа қайтқан. Сол кезде ағамыз үйге жеткенше өз-өзіне келе алмағанын айтты. Аяғы дірілдеп шыға алмаған. Бесінші қабатқа көтерілсе, есік ашық тұрған. «Кіре алмай, тұрып қалдым» деді. Киін үйге кіріп, жағдайды білген. Үйге келе жатқанда Уәлибек аға маған хабарласқан екен. Жолда болған соң желі ұстамаған. Ол кісі мені шынымен өліп қалды деп ойлаған. Сонда Уәкеңнің маған деген жанашырлығын ерекше сезіндім. Ол кісі маған әке болды ғой», - деді Жұлдызай Дүйсенбиева.