«Көлігінің жоқ екенін айтқан». Белгілі дизайнер актриса Жұлдызай Дүйсенбиеваға көлік сыйлады
Дизайнер Жұлдызай Дүйсенбиеваның көмегі үшін алғыс айтқан.
Отандық дизайнер Ғани Көбеев актриса Жұлдызай Дүйсенбиеваға көлік сыйлады, деп хабарлайды Malim.kz.
Актриса бұрын-соңды мұндай қымбат сыйлық алып көрмегенін айтып, көз жасына ерік берді.
Осы күнге дейін қанша жерде еңбек еттім. Еңбегім дәл осылай бағаланбапты. Әлі сенбей тұрмын. Бұрын-соңды ешкімнен бағалы сыйлық алып көрмеппін. Қатты қуанып тұрмын. Көлігіңе емес, көңіліңе рақмет. “Қазақстанның құрметті азаматына” берілді” деп, інім күлдіртіп жатыр, – деп қуанышын жасыра алмады өнер иесі.
Желі қолданушылары актрисаның қуанышына ортақтасып, жылы лебіздерін білдіріп жатыр.
“Күні кеше сұхбат алып отырып, көлігінің жоқ екенін айтқан еді”, "Ғани мырзаның танылуына Жұлдызай ханымның еңбегі орасан ғой. Актерлік қырын ашып, кәсібін дөңгелетіп берді. Сол жақсылығын бағалаған Ғани мырза да мәрт екен" "Құтты болсын! "Ғани Жұлдызай әпкенің арқасында танылғанын ұмытпай рахметін білдіріп жатыр. Жарайсың, еңбектеріңіз жана берсін, саудаларыңыздың тек берекесін берсін!, деп жүрекжарды тілектерін білдірді оқырман қауым.
Фото: интернеттен
