14 маусымға арналған дауылды ескертуге сәйкес, еліміздің барлық 17 облысы мен Астанада қолайсыз ауа райы күтіледі, деп хабарлайды Malim.kz.
Синоптиктердің мәліметінше, Астана қаласы мен еліміздің барлық 17 облысында қолайсыз ауа райы күтіледі.
Елдің бірқатар өңірінде жаңбыр жауып, найзағай ойнайды, кей жерлерде бұршақ түсіп, желдің жылдамдығы секундына 15-20 метрге дейін күшеюі мүмкін. Солтүстік, батыс және орталық облыстарда нөсер жауын мен дауылды жел болжанған.
Сонымен қатар Алматы, Жамбыл, Жетісу, Абай облыстарында және басқа да өңірлерде ауа температурасы 35-38 градусқа дейін көтеріліп, аптап ыстық сақталады.
Синоптиктер көптеген облыста жоғары және төтенше өрт қаупі сақталатынын ескертіп, тұрғындарды қауіпсіздік шараларын сақтауға шақырды. Астанада да жаңбыр, найзағай және күндіз бұршақ күтіледі.
