«Ойдан шығарылған»: Асхат Садырбай бұрынғы әйелінің мәлімдемесін жоққа шығарды

Танымал тележүргізуші Асхат Садырбай бұрынғы әйелі Айғаным Болатқызының мәлімдемесі шындыққа жанаспайтынын айтып, пікір білдірді, деп хабарлайды Malim.kz.

Бұған дейін Айғаным Болатқызы экс-күйеуі Асхат Садырбайдан қорлық көргенін айтқан. Тіпті, баласын көрсетпей қойғанын атап өткен. Журналистің өзі көпшілікті мұндай пікірлерге сенбеуге шақырды.

«Құрметті достар! 10 жыл бұрынғы әңгіме, ойдан шығарылған оқиға, жалған ақпарат тарату, өтірікті шындай айту арқылы менің жеке басыма, отбасыма, іскерлік беделіме нұқсан келтіру мақсатында жасалып жатқан дүрмекке ермеулеріңізді сұраймын! Арнайы тапсырыспен жасалып жатуы да мүмкін. Кішкене күтіңіздер! Заң аясында бәрі анықталады!», - деп жазды журналист.