«Қызым ешкімді жақтырмайтын»: Майра Ілиясова неге жалғыз қалғанын айтты

Танымал әнші Майра Ілиясова алғашқы некесі сәтсіз аяқталғанын және неліктен екінші рет тұрмыс құрмағанын айтты, деп хабарлайды Malim.kz.

Өнер иесінің айтуынша, күйеуімен ажырасуына гастрольдік сапарларға жиі шығуы әсер еткен.

"Әдемі болғандықтан жалғыз шығармын. Мен күйеуім спортпен көбірек айналысты. Соңғы уақытта менің гастрольдік сапарым көбейіп кетті. Ол "Осы концерттеріңді қойсаң қайтеді?! Мына бала қалып қояды" деген кезде мен ойлана келе оған "Мен өнеріммен қала берейін" дедім. Мен жай ғана дауысым орташа болса, мүмкін үйде отырар ма едім. Бірақ халыққа танымал болдым. Солай өзіміз ақылдасып шештік. Әрине, ол екі жылдай көнбеді. Бірақ сондай әдемі айырылыстық. Қазір отбасы, ұлы бар. Араласып тұрамыз. Қызым әкесімен керемет қарым-қатынаста, әкесін қатты жақсы көреді", - деді өнер иесі.

Сондай-ақ танымал әнші екінші рет неліктен тұрмыс құрмағанын айтты.

"Менікі үнемі концерт, жұмыс. Іш пысатын уақытым жоқ. Қызым ешкімді жақтырмайтын. Қазір "Менікі дұрыс болмапты" деп айтады. Мен қызымның көңіліне қарадым", - деп ағынан жарылды әнші.