Рахат Әлиев Назарбаевтың сөзіне мырс етіп күлетін - Рахман Омар

Танымал актер Рахман Омар кәсіпкер Дулат Тастекейге берген сұхбатында 2004 жылдары асабалыққа қадам басып, экс-президент Нұрсұлтан Назарбаев әулетінің той-жиындарын басқарған кезі туралы айтып берді, деп хабарлайды Malim.kz.

Рахман Омардың айтуынша, депуттардың көпшілігі Рахат Әлиевтен қорыққан.

Бұл 2004 жылы болды. Елбасымыздың үйіндегі жаңа жылдық кешті жүргіздім. Екі құдасы – Әлиевтер мен Құлыбаевтар жиналды. Тимур Құлыбаевты өте жинақы, ұқыпты адам екен. Қайын атасы мен енесінің қабағына қарап тұрған азамат болып көрінді. Ал, Рахат Әлиев ҰҚК-ны басқарып жүрген еді, Елбасы күйеу баласына көп мүмкіндік берді. Елбасы сөйлегенде әр сөзіне қадалып, мырс етіп күлді. Мен шошып кеттім. Ең соңында америкалықтар секілді үстелдің үстіне шығарып қойды. Сол кезде Назарбаевтың түрі бұзылып кетті, бірақ білдірген жоқ. Көрдіңіз бе, кедей бай болсам, бай құдай болсам дейді. Депутаттардың өзі Назарбаевтан емес, Әлиевтен қорқып жүретін, – деді актер. 

Актер Назарбаевтардың жабық кештерінен түскен ақшаға екі бөлмелі пәтер алғанын атап өтті.

Фото: Рахата Әлиевтің «Крестный тесть» кітабынан