Танымал әншінің әйелі өлең оқып, қазақ тілін үйреніп жүргенін көрсетті
Желі қолданушылары төртінші сәбиін күтіп жүрген Аишаға жылы лебіздерін білдірді
Белгілі әнші Айбек Жансейітовтің әйелі Аиша өзінің Instagram парақшасында қазақ тілінде өлең оқыған видеосын жариялады. Оның өнеріне желі қолданушылары жоғары баға беріп, қолдау көрсетіп жатыр, деп хабарлайды Malim.kz.
Видеода әншінің шетелде, жағажайда жүргені байқалады.
Бүгін қазақ тілінде өлең оқудың қаншалықты қиын екенін түсіндім. Бұрын әлдеқайда оңай деп ойлайтынмын. Енді мәнерлеп өлең оқудың өз алдына үлкен өнер екенін анық ұқтым. Әр тілдің өзіндік ерекшелігі бар, оны тыңдап, үйрену қажет. Менің тырысқаныма шыдап баққан күйеуіме алғыс айтамын. Мінсіз оқи алмағаным үшін кешірім сұраймын, деп жазды әнші.
Желі қолданушылары төртінші сәбиін күтіп жүрген Аишаға жылы лебіздерін білдірді.
«Дауысыңыз құлаққа жағымды, тағы да күтеміз. Ең бастысы, қазақша сөйлеуге деген ниет», «Келін ененің топырағынан деп бекер айтпаған екен ата-бабаларымыз, Аиша енесіне ұқсап, өлең оқығаны өте әсерлі, керемет көрініс», «Үлгі тұтар отбасы», деп жазды желі қолданушылары.
Фото: видеодан кадр
