Танымал қазақстандық продюсер Баян Мақсатқызы тамыз айында тағы екі қызы дүниеге келгенін мәлім еткен. Ол көпшілікке ұлды болғысы келгенін айтып, ағынан жарылды, деп хабарлайды Malim.kz.
Баян Алагөзова қызы Айсәуле Бақытбекке берген сұхбатында қыздарының қалай дүниеге келгенін айтты.
"Маған табиғи жолмен бала көтере алатынымды айтты. Бірақ мен қарсы болдым. Себебі табиғи жолмен ана болуға дайын болмадым. Суррогат ананың көмегіне жүгінуді ұсынды. Төрт жыл бұрын алғашқы қадам сәтсіз болды. Ұрықты орналастырғаннан кейін екі апта өткен соң дамымай қалып, түсік тастады. Сәтсіз оқиғаға екі жылдан кейін тағы тап болдық. Ол кезде де ұрық дамымай қалып, түсік тастады. Бізге орталық мамандары хабарласып, жағдайды айтып берді. Ұл бала дамып келе жатыр еді", - дейді ол.
Продюсер ұл баланың анасы атанып, өмірінде өзгешелік болғанын қалаған.
"Менің екі қызым бар ғой. Сондықтан менің Салтанатқа барғандағы ойым – ұл баланың анасы болу еді. Ұл балаға қарау, ұл баланың анасы атану сезімін басымнан өткеріп көргім келді”, – деді Баян Алагөзова.
