Жақында тұрмысқа шыққан Айгүл Иманбаева ана болуға дайындалып жүр

Танымал әнші және актриса Айгүл Иманбаева ана атануға дайындықты бастап кеткен. Ол Түркияға барып, денсаулығын профилактикалық тексеруден өткізуді жөн санаған, деп хабарлайды Malim.kz.

«Осындай бақытты сәттермен қауышу үшін ең алдымен толыққанды тексерістен өтіп алу қажет»,- деді әнші ана атанғысы келетінін көрсетіп.

Айгүл Иманбаева түрік клиникасына анасымен бірге барған.

«Мен қазір Стамбұл қаласындамын. Бұл жаққа келуімнің себебі денсаулығымды толықтай тексеруден өткізу. Қазіргі тілмен айтқанда Check Up. Маған және анама бұл клиника өте қатты ұнады»,- деп жазды әнші желідегі парақшасында.