Қарағанды облысындағы Абай шахтасында жарылыс болып, 6 адам қаза тапты. Қазіргі уақытта өндіріс тоқтатылып, оқиғаға қатысты қылмыстық іс қозғалды.
Төтенше жағдайлар департаменті мәлімдемесіне сәйкес, апат кезінде шахтада 64 жұмысшы болған. Екі адам ауыр халде ауруханаға жеткізіліп, алты адам оқиға орнында көз жұмған.
«7 қараша күні сағат 08.37-де Абай қаласындағы «АрселорМиттал Теміртау» АҚ Абай КД шахтасында желдеткіш Штрек 3-К10 түбінде метан газының кенеттен шығуы орын алды. Шахтада барлығы 64 жұмысшы болды. 56 адам бірден өзін-өзі эвакуациялады.
Оқиға орнында қалған 8 қызметкердің алтауы қайтыс болды, екеуі жарақат алды. Өндіріс процесі тоқтатылды», - делінген хабарламада.
Қаза тапқандардың ең үлкені - 53 жаста, кішісі - 31-де.
- Краус Сергей Юрьевич, 1983
- Шмидт Виталий Владиславович, 1979
- Абдуллин Наиль Рамильевич, 1990
- Корниенко Сергей Анатольевич, 1971
- Супрунов Алексей Алексеевич, 1987
- Скидченко Николай Николаевич, 1968
Премьер-Министр Асқар Маминнің тапсырмасы бойынша оқиға орнына Төтенше жағдайлар министрі Юрий Ильин бастаған комиссия жолға шыққаны белгілі болды.
Қарағанды Полиция Департаменті баспсөз қызметі мәліметіне сәйкес, Абай ауданы аумағындағы шахтада болған жарылыс фактісіне байланысты Қылмыстық кодекстің 277 бабы 3 тармағына сәйкес сотқа дейінгі тергеу басталды. Қазіргі уақытта оқиға орнында жедел-тергеу тобы жұмыс істеп жатыр.
Байланысты жаналықтар
MalimBlocks
Сұлтанәлі Балғабаев: Дүниежүзі қазақтары қауымдастығын мен тіркетіп едім
Дүниежүзі қазақтары қауымдастығы төрағасы орынбасарлығынан үміткер бір шенеунік өзі бола алмаған соң, айтылған дүниелерді қағазға түсіртіп, құжат жасатпаған. Содан іздеп жүріп, сол жиынды жазып алған радионың бір қызметкерінен дыбысжазбаны алып, сол бойынша өзім хатшы ретінде протокол жасап, тиісті адамдардың қолын қойдырдым. Кейін ұйымның жарғысын жазып шықтым. Солайша, ұйымды Әділет министрлігіне тіркеттік.
