Бүгін Қызылорда облысының басшысы Гүлшара ӘБДІҚАЛЫҚОВА ҚР Парламенті Сенатының депутаты Ақмарал ӘЛНАЗАРОВАНЫ қабылдады.
Жуырда ғана 102 мәслихат депутатының дауысына ие болған Ақмарал ШӘРІПБАЙҚЫЗЫН облыс әкімі жеңісімен құттықтады.
«Мемлекет үшін, Тәуелсіз Қазақстан үшін аянбай жемісті еңбек етіп, облыстың әлеуметтік-экономикалық дамуына қосқан үлесіңізді Сыр өңірі жұрты жақсы біледі және мақтан тұтады. Сізді Сыр халқының атынан Қазақстан Республикасының Парламенті Сенатының депутаты атануыңызбен тағы да құттықтай отырып, мемлекет мүддесі жолындағы еңбегіңізге толағай табыс, деніңізге саулық, отбасыңызға амандық тілеймін»,- деді облыс әкімі Гүлшара Әбдіқалықова.
Ақмарал ШӘРІПБАЙҚЫ Қызылорда облысындағы «Nur Otan» партиясының белді мүшесі. Билік партиясының өңірдегі филиалының басшылығында, түрлі басқармаларды да басқарған. 12 тамыз күні өткен сенат сайлауында 77,86 пайыз дауыспен парламенттің жоғарғы палатасына сайланды. Айтпақшы, мамандығы дәрігер Ақмарал Әлназарова бір кездері облыс басшысы Қырымбек КӨШЕРБАЕВТЫҢ орынбасары болып та қызмет еткен.
Фото: facebook.com
Байланысты жаналықтар
MalimBlocks
Сұлтанәлі Балғабаев: Дүниежүзі қазақтары қауымдастығын мен тіркетіп едім
Дүниежүзі қазақтары қауымдастығы төрағасы орынбасарлығынан үміткер бір шенеунік өзі бола алмаған соң, айтылған дүниелерді қағазға түсіртіп, құжат жасатпаған. Содан іздеп жүріп, сол жиынды жазып алған радионың бір қызметкерінен дыбысжазбаны алып, сол бойынша өзім хатшы ретінде протокол жасап, тиісті адамдардың қолын қойдырдым. Кейін ұйымның жарғысын жазып шықтым. Солайша, ұйымды Әділет министрлігіне тіркеттік.
