Алматыда жер дауы басылмай тұр

Malim Админ

  • 05.03.2021

Соңғы бірнеше айдан бері Алматыда жер дауы шықса болды, экс-әкім Бауыржан Байбектің аты аталатын болды. Университеттен бастап, базарға дейінгі аралықтағы жер дауында Нұрсұлтан Назарбаевтың бірінші орынбасарының есімін есту дәстүрге айналды. Осыған байланысты Бауыржан Байбектің қатысы бар делінген жер дауына қысқаша тоқталуды жөн көрдік.

Бауыржан Байбектің төңірегіндегі жер дауы Әл-Фараби атындағы Қазақ Ұлттық Университетінен басталды. Осыдан бірнеше ай бұрын БАҚ-та ҚазҰУ жерінің бір бөлігі Бауыржан Байбек әкім болып тұрған уақытта (2017 жылы) жекенің қолына өткіп кеткені жөнінде ақпарат тарады. Кейіннен жер телімдерінің экс-президент Нұрсұлтан Назарбаевтың ортаншы күйеубаласы Тимур Құлыбаевқа тиесілі компаниялардың бірінің иелігіне өткені белгілі болды. Бұл әлеуметтік желілер мен БАҚ-та қызу талқыланғаннан кейін университет ректоры Ғалымқайыр Мұтанов қызметінен кетіп, оның орнына Жансейіт Түймебаев келді.

ҚазҰУ төңірегіндегі дау басылмай жатып тағы бір ұлттық университеттен шу шықты. Бұл жолы даудың басы Абай атындағы қазақ ұлттық университетінің Орталық саябаққа тиесілі 4 гектар жерге жатақхана салу жоспарынан басталды. Құрылысқа қарсы қала тұрғындары университет алдында нарзылық акциясына шықты. Наразы халықпен кездесуде университет проректоры Ғабит Дулатов «саябаққа тиесілі жерге жатақхана салуға рұқсатты 2018 жылы сол уақытта қала әкімі болған Бауыржан Байбектің бергенін» айтты. Белсенділер саябақтың «бұрынғы аумағы 120 гектар болғанын, қазір 42 гектар ғана жер қалғанын, жатақхана ретінде салынатын нысан болашақта коммерциялық мақсатта пайдаланылады» деген уәж айтып, құрылысқа қарсылықтарын білдірді.

Бауыржан Байбекке қатысы бар дау бұнымен аяқталған жоқ. Күні кеше Рахат (барахолка) базарының 250-ге жуық жұмысшы кәсіпкері наразылық акциясына шығып, базардың жабылмауын талап етті. Бұл жерде де даудың соңы «Nur Otan» партиясы төрағасының бірінші орынбасарына барып тірелген. «Азаттық» радиосының зерттеуінде «әкімдіктің 2018 жылы базар тұрған жерді ТКМ компаниясына пайдалануға беруден бас тартып, оны «»Almaty CPS» ЖШС-ға 2024 жылға дейін жалға бергені туралы, тиісті қаулығы Бауыржан Байбектің қол қойғаны» жөнінде айтылады. Бұдан бөлек, зерттеуде жерді алған компанияның сол кездегі иесі Саламат Ахметовтың Бауыржан Байбектің әкесі Қыдырғали Байбектің (2015 жылы «Wood Art» компаниясында) бизнес серіктесі болған деп көрсетілген. Өз кезегінде Қыдырғали Байбек Қазақстанның экс-президенті Нұрсұлтан Назарбаевпен бір сыныпта оқыған.

Экс-әкім мен билік партиясы барлық дауды жинап-жинап бір-ақ жауап берейін деді ме, жоқ әлде бұл мәселеден бейхабар ма, бізге белгісіз. Әйтеуір, осыншама дауға қарамастан «Nur Otan» партиясы да, Бауыржан Байбектің өзі де әлі күнге дейін халықтың алдына шығып, түсініктеме берген жоқ...

Байланысты жаналықтар

Алматыда сазды лай көшкінінің болуына заңсыз салынған құрылыс себеп болды

16.04.2024

«Тағы бір Салтанаттың өлгенін күтеміз бе?»: Желіде әйелін аяусыз ұрған еркектің видеосы тарады

12.04.2024

Алматыда жер сілкінді

12.04.2024

ТЖМ Алматыда 30 мыңға жуық тұрғынның өміріне қауіп төніп тұрғанын мәлімдеді

12.04.2024

Алматы облысында екі жылдан бері пәтеріне кіре алмай жүрген үлескерлер шу шығарды

12.04.2024

Алматыда 1997 жылы заңсыз сатылған ҚазҰПУ ғимаратының бір бөлігі мемлекетке қайтарылды

09.04.2024
MalimBlocks
Алматыда сазды лай көшкінінің болуына заңсыз салынған құрылыс себеп болды

Таулы қырат елді мекеніндегі 2768 учаскеде құрылыс салу кезінде экожүйе бұзылғандығы анықталды.

«Тағы бір Салтанаттың өлгенін күтеміз бе?»: Желіде әйелін аяусыз ұрған еркектің видеосы тарады

Бұл туралы «Балалар қорғауда» жеке қорының басшысы Жанна Ахметова facebook-парақшасында жазды.

Алматыда жер сілкінді

Қаладан оңтүстік-шығысқа қарай 273 шақырым жерде, Қытай аумағында орналасқан – афтершок.

ТЖМ Алматыда 30 мыңға жуық тұрғынның өміріне қауіп төніп тұрғанын мәлімдеді

Мердігер ұйымның жауапты тұлғаларына қатысты бюджет қаражатын ұрлау бойынша тергеу жүргізіліп жатыр.

Алматы облысында екі жылдан бері пәтеріне кіре алмай жүрген үлескерлер шу шығарды

Жекеменшік пәтеріміз болады деп қуанған 200-ге жуық отбасы енді құрылыс компаниясының бас кеңсесін торуылдап жүр.

Алматыда 1997 жылы заңсыз сатылған ҚазҰПУ ғимаратының бір бөлігі мемлекетке қайтарылды

Университет ғимараты республикалық маңызы бар тарихи және мәдениет ескерткіштеріне жатады.