Ақтөбе тұрғындары облыс әкімі Асхат Шахаровтан көмек сұрайды

 Алтай батыр ауылының тұрғыны Нұралы Айтжан Байғанин ауданы әкімі Қайрат Отаров тұрғындармен кездесуде бұл мәселені шешетіндерін бірнеше рет айтты дейді. Алайда "шешеміз" дегендеріне бірнеше жыл өтсе де, "баяғы жартас, сол жартас" екенін айтады.

-Аудан әкіміне тұрғындардың арыз-шағымын қалдырғам. Бірақ әкім тарапынан ешқандай реакция жоқ. Су тартты, бірақ ол су әлі жоқ. Жол салды, ол жолды да толық аяқталмады. Менде бір ғана сұрақ: Неге әкімдік дұрыс жұмыс істемейді?,-дейді әбден ашынған ауыл тұрғыны Нұралы Айтжан.

Алтай батыр ауылының тұрғындары аудан әкіміне жолдаған хатта: "2021-жылдан бері ауыз су құрлысы аяқталып қолданысқа берілмей тұр. Қарауылкелді-Алтай батыр-Миялы-Оймауыт бағытындағы 0-31 шақырым жол құрлысы тоқтап  тұр.Байғанин ауданынының әкімі Кайрат Утаров  2023-жылы ауыл 17-мамыр күні ауыл тұрғындарымен кездесуінде ауыз су мен жол қолданысқа беріледі деп айтқан. Қарауылкелді-Алтай батыр  бағытындағы 31-шақырымға бюджеттен 897,7 млн  теңге бөлінген. 2023-жылдың 23-ші тамыз күні аудан әкімі ауыл тұрғындарымен кездесуінде 2022 -жылы 8-шақырым жол салынды. 2023-жылы 12-шақырым жол салынады деп  есеп берген. Өкінішке  орай қазіргі таңда 2021 жылдан бері бар болғаны 11-шақырым жол салынған. Жергілікті биліктің бұлай жұмыс жасауына біз ауыл тұрғындары наразымыз. Не себепті жол салу құрылысы тоқтап тұр?! Облыс  әкімі Асхат Шахаровтың қолдауы маңызды,-делінген тұрғындар хатында.

Бұл мәселе бойынша Malim.kz тілшісі Ақтөбе облысы Байғанин ауданы әкімі Қайрат Отаров пен аудандық тұрғын-үй коммуналдық шаруашылығы жолаушылар көлігі және автомобиль жолдары бөлімінің басшысы Жолдыбек Айсұлтанұлына бірнеше рет хабарласқан. Алайда екеуі де қоңырауға жауап бермеді.