«АрселорМиттал Теміртау»-дағы жұмысшылар өліміне кінәлілер анықталды
Мердігер құрылыс-монтаждау жұмыстарын жүргізу қауіпсіздігін қамтамасыз етпегені мәлім болды
"АрселорМиттал Теміртау" еншілес кәсіпорнындағы апат себебі белгілі болды. Мемлекеттік комиссия жұмыс берушінің кінәсін анықтады. Апат салдарынан төрт жұмысшы қаза тапқан еді.
«Сараптама ұйымдары күмбездің қирауына ықтимал себеп болған ақаулар мен зақымдануларды анықтады. Сондай-ақ, «Құрылысмет» тапсырыс берушісі мен «АрселорМиттал Теміртау» мердігері құрылыс-монтаждау жұмыстарын жүргізу қауіпсіздігін қамтамасыз етпегені мәлім болды. Жұмыстарды өндіру жобасы мен пешті демонтаждау бойынша технологиялық карта сараптама комиссиясына ұсынылмаған. Арнайы тексеру қорытындысы бойынша комиссия жұмыс берушінің 100 пайыз кінәсін анықтады», - деді Қарағанды облысы бойынша еңбек инспекциясы жөніндегі басқармасының басшысы Ирина Любарская.
Тергеу барысында 32 адамнан жауап алынды. 14 күдікті анықталды, оның ішінде басшылық құрамы бар. Комиссия мүшелері тергеу қорытындысын құқық қорғау органдарына жолдайды.
Еске салайық, 10 маусымда "АрселорМиттал Теміртау" цехында төрт жұмысшы көз жұмған болатын. Бір адам жарақат алып, ауруханаға жеткізілді.
Байланысты жаналықтар
MalimBlocks
Сұлтанәлі Балғабаев: Дүниежүзі қазақтары қауымдастығын мен тіркетіп едім
Дүниежүзі қазақтары қауымдастығы төрағасы орынбасарлығынан үміткер бір шенеунік өзі бола алмаған соң, айтылған дүниелерді қағазға түсіртіп, құжат жасатпаған. Содан іздеп жүріп, сол жиынды жазып алған радионың бір қызметкерінен дыбысжазбаны алып, сол бойынша өзім хатшы ретінде протокол жасап, тиісті адамдардың қолын қойдырдым. Кейін ұйымның жарғысын жазып шықтым. Солайша, ұйымды Әділет министрлігіне тіркеттік.
