Қордай трагедиясынан кейін Қазақстан халқы Ассамблеясының таратылуы туралы бастама Фейсбук әлеуметтік желісінде көтерілді.
Экс-президент Нұрсұлтан НАЗАРБАЕВТЫҢ бастамасымен құрылған Ассамблеяның құрылғанына биыл жиырма бес жыл. Осыған орай тұңғыш президент, Елбасы, Қазақстан халқы Ассамблеясының Төрағасы Нұрсұлтан Назарбаевтың қоғамдық келісім мен жалпыұлттық бірліктің қазақстандық моделін қалыпастырудағы ерен еңбегін насихаттауға арналған «Тұңғыш Президент жолымен» халықтық экспедициясы салтанатты түрде басталды. Бұл туралы Қазақстан халқы Ассамблеясы ресми сайтында хабарлады.
Алматы облысына қарасты Шамалған ауылында өткен жиынға Қазақстан халқы Ассамблеясы төрағасының орынбасары Жансейіт ТҮЙМЕБАЕВ, Алматы облысыынң әкімі Амандық БАТАЛОВ, сенат депутаты Ләззат СҮЛЕЙМЕНОВА сынды шенділер қатысты.
Жансейіт ҚАНСЕЙІТҰЛЫ «Тұңғыш Президент жолымен» экспедициясының жалпыұлттық жоба екенін және оның маңызы жайлы баяндады. Ассамблеяның ұлтаралық татулық жолындағы еңбегінін зор екенін айтты. Сондай-ақ, ҚХА 25 жылдық тойын шетелде де тойланатынын жеткізді.
«Келесі жылы азаттықтың 30 жылдығын атап өтеміз. Осы жылдар Қазақстан Ұлт көшбасшысының басшылығымен талай жолды жүріп өтті. Қазақстанды барлық әлем таныды. БҰҰ-ның мүшесі болдық. Біз «Тұңғыш Президент жолымен» экспедициясын ұйымдастырып отырмыз.Халықтық жоба Жетісудағы Үшқоңыр етегінде бастау алды», - деді Жансейіт Түймебаев.
Фотолар: assembly.kz
Байланысты жаналықтар
MalimBlocks
Сұлтанәлі Балғабаев: Дүниежүзі қазақтары қауымдастығын мен тіркетіп едім
Дүниежүзі қазақтары қауымдастығы төрағасы орынбасарлығынан үміткер бір шенеунік өзі бола алмаған соң, айтылған дүниелерді қағазға түсіртіп, құжат жасатпаған. Содан іздеп жүріп, сол жиынды жазып алған радионың бір қызметкерінен дыбысжазбаны алып, сол бойынша өзім хатшы ретінде протокол жасап, тиісті адамдардың қолын қойдырдым. Кейін ұйымның жарғысын жазып шықтым. Солайша, ұйымды Әділет министрлігіне тіркеттік.
