Алматы облысындағы Алматы-Өскемен тасжолы ауа райының қолайсыздығына байланысты жабылды, - деп хабарлайды Malim.kz Алматы облысы Төтенше жағдайлар департаментінің баспасөз қызметіне сілтеме жасап.
2020 жылдың 21 желтоқсаны сағат 07.00-ден бастап ШҚО-дағы ауа райының қолайсыздығына байланысты, қар, бұрқасын болғандықтан автожолдар жабылды. Жол көру нашарлаған. Сондықтан республикалық маңызы бар Алматы-Өскемен тасжолында көліктің барлық түрінің жүруіне тыйым салынды. (558-615 шақырым аралығы, Үшарал-ШҚО шекарасы).
Алматы облысының Төтенше жағдайлар департаменті тұрғындардан осы бағытта жол жүрмеуді және 112 қызметінің SMS-хабарламаларын назардан тыс қалдырмауды сұрайды. Ұзақ жолға шығар алдында ауа райымен танысып, төтенше жағдайларда көмектесетін барлық затты өзіңізбен бірге алып жүруіңіз керек.
Байланысты жаналықтар
MalimBlocks
