Бас прокуратура медиа-кеңістікте Қуандық Бишімбаевқа қатысты қылмыстық іс бойынша сотқа дейінгі тергеп-тексеру нәтижелеріне күмән келтіретін материалдар жариялануына байланысты мәлімдеме жасады.
«Мұндай мәліметтерді тарату оның нақты іс бойынша объективті және әділ сот төрелігін жүзеге асыруына кедергі жасау мақсатында сотқа әсер ету нысаны ретінде бағалануы мүмкін. ҚР Қылмыстық кодексінің 407-бабына сәйкес соттың қызметіне араласуға жол берілмейді және ондай әрекет үшін жазаланады», - делінген хабарламада.
Сондай-ақ, көрінеу жалған мәлімет таратқаны үшін ҚР Қылмыстық кодексінің 274-бабы бойынша қылмыстық жауапкершілік қарастырылғанын да ескертті.
«Осыған байланысты Бас прокуратура азаматтар мен БАҚ-тарды заңдылықты сақтауға шақырады, қылмыстық құқық бұзушылық жасаудан және соттың қызметiне қандай да болмасын түрде араласпауды ескертеді», - деп жазды Бас прокуратура.
Фото: ашық дереккөзден
Байланысты жаналықтар
MalimBlocks
