Денсаулық сақтау министрі Алексей Цой кеше "Хабар 24" арнасында Рахым Ошақбаевқа берген сұхбатында 1 тамызға дейін анықталған пневмонияға шалдыққан науқасты коронавирус статистикасына қоспайтынын мәлімдеді. Коронавирус белгісі бар, ПТР тест нәтижесі теріс пневмонияны министрлік тек 1 тамыздан бастап қана есепке алынбақ.
А.Цойдың сөзінше, қаңтардан шілденің ортасына дейін елде 234 187 адам пневмониямен ауырған, бұл былтырғы жылдың осы кезеңімен салыстырғанда 3,3 есе көп. Цойдың айтуынша, бұған вирусты, бактериалды және коронавирус белгісі бар барлық пневмония кірген.
Цойдың сұхбатынан түсінгеніміз, министрлік пневмонияға шалдыққан 234 мың адамды қазіргі коронавирус статистикасына қоспайды әрі олардың ішінен қанша адам коронавирус пневмониясымен ауырғанын анықтап жатпайды. 1 тамыздан бастап министрлік сол кезден бастап тіркелген пневмонияны бөлек көрсетіп отырмақ.
"Тест нәтижесі бойынша коронавирус анықталғандарды көрсетіп отырамыз, бұған қосымша коронавирус белгісі бар пневмонияны бөлек береміз", - деді министр.
17 шілде күні өткен брифингіде А.Цой 1 тамыздан бастап коронавирус белгісі бар, ПТР нәтижесі теріс пневмонияны коронавирус статистикасына қосып есептейтінін мәлімдеген. Министр бұл коронавирус бойынша статистиканы нашарлатса да, мәліметтерді ашық ете түсетінін айтқан. Ал оған дейін 10 шілдеде министр коронавирус белгісі бар пневмонияны тіркеп жатқанын мәлімдеген.
А.Цой 1 қаңтаран 15 шілдеге дейін 234 187 адам пневмонияға шалдығып, 3327 науқас қайтыс болғанын мәлімдеген.
Байланысты жаналықтар
MalimBlocks
Сұлтанәлі Балғабаев: Дүниежүзі қазақтары қауымдастығын мен тіркетіп едім
Дүниежүзі қазақтары қауымдастығы төрағасы орынбасарлығынан үміткер бір шенеунік өзі бола алмаған соң, айтылған дүниелерді қағазға түсіртіп, құжат жасатпаған. Содан іздеп жүріп, сол жиынды жазып алған радионың бір қызметкерінен дыбысжазбаны алып, сол бойынша өзім хатшы ретінде протокол жасап, тиісті адамдардың қолын қойдырдым. Кейін ұйымның жарғысын жазып шықтым. Солайша, ұйымды Әділет министрлігіне тіркеттік.
