Түркістан облысында халықаралық іздеуде жүрген жат діни ағымның жақтаушылары ұсталды.
ІІМ баспасөз қызметі 2021 жылдан бері халықаралық іздеуде жүрген 54 жастағы Өзбекстан азаматы Отырар ауданында ұсталғанын мәлім етті. Ер адам өз елінде «Ұрлық» бабы бойынша ауыр қылмыс жасағаны үшін іздестірілген.
Бір тәуліктен кейін алаяқтық жасағаны үшін халықаралық іздеуде жүрген 33 жастағы Өзбекстанның тағы бір азаматы ұсталды. Іздеуде жүрген екі қылмыскер де деструктивті діни ағымның жақтаушысы ретінде тіркеуде тұр. Оларға қатысты тиісті процессуалдық шешім қабылданатын болады.
