Этномәдени мүшелері қайырымдылық шарада аянып қалған жоқ
Ел басына қиындық түскенде аймақтағы этномәдени бірлестік өкілдері аянып қалмай, қайырымдылық шараларға белсенді қатысқан.
Шымкент қалалық ішкі саясат және жастар істері жөніндегі басқармаға қарасты «Қоғамдық келісім» коммуналды мемлекеттік мекемесінің басшысы Ербол Байқонақовтың айтуынша, Мақтаарал ауданы селден зардап шеккенде тұрғындарға жалпы сомасы 13 млн 500 мың теңге тұратын азық-түлік пен киім-кешек, құрылыс материалдарын жіберген. Ал пандемия кезінде көптеген қайырымдылық іс-шарасын өткізіп, жалпы сомасы 4 млн теңгеге көмек көрсеткен. Жалпы, 2020 жылы Шымкент қалалық Қазақстан халқы Ассамблеясының мүшелері тарапынан 19,7 млн теңгенің көмегі көрсетіліпті. Одан бөлек түрік этномәдени бірлестігінің қатысуымен кәсіпкерлер 90 млн теңгеге жуық көмек жасалыпты.
«Айта берсек, атқарылған жұмыс аз емес. 1 мамыр күні қалалық Қазақстан халқы Ассамблеясының атынан өзбек және түрік этномәдени бірлестіктері 200 адамға ауызашар себеттерін таратуды жоспарлап отыр» деген Ербол Байқонақов осындай қайырымдылық шаралар ағайын мен бауыр арасын жақындатып, ел татулығының берекесін арттырып тұр дейді.
Шымкент қаласында өткен тқрт айда Қазақстан тәуелсіздігінің 30 жылдық мерекесі аясында этнос өкілдері арасында «Ұлтаралық достықты сақтау» тақырыбында кездесулер өтіпті. Жыл соңына дейін өтетін шаралар да аз емес.
Байланысты жаналықтар
MalimBlocks
Сұлтанәлі Балғабаев: Дүниежүзі қазақтары қауымдастығын мен тіркетіп едім
Дүниежүзі қазақтары қауымдастығы төрағасы орынбасарлығынан үміткер бір шенеунік өзі бола алмаған соң, айтылған дүниелерді қағазға түсіртіп, құжат жасатпаған. Содан іздеп жүріп, сол жиынды жазып алған радионың бір қызметкерінен дыбысжазбаны алып, сол бойынша өзім хатшы ретінде протокол жасап, тиісті адамдардың қолын қойдырдым. Кейін ұйымның жарғысын жазып шықтым. Солайша, ұйымды Әділет министрлігіне тіркеттік.
