Алматыдағы «Шымбұлақ» тау-шаңғы курортында шаңғы теуіп жүрген адам қаза болды. Ол қар көшкініні кезінде арнайы құрылғыға соғылып, мерт болған.
Курорт әкімшілігінің мәліметіне қарағанда, 10 наурыз күні сағат 10:58-де курорттың құтқарушыларына Комби-2 тірегінің 8-ден жоғары аймағында қар көшкіні түскені туралы ақпарат түскен. Құтқарушылар оқиға орнына сағат 11:02-де жеткен.
Сағат 11:05-те қаза болған шаңғышыны қар көшкіні астынан қазып алады. Қазіргі мәлімет бойынша, ол көшкінкескінің бұрышына соғылып, басына тиген ауыр соққыдан қайтыс болған. Шаңғышы рұқсат етілген аймақтан шығып кеткен және қар көшкініне қарсы қажетті құрал-жабдықтары – дыбыс сигналы, зонд және күрегі болмаған.
