Лепстің концерті өтпейтін болды
8 шілде күніне жоспарланған ресейлік әнші Григорий Лепс Қонаев қаласында концертін өткізбейтін болды.
Бірнеше уақыт бұрын Лепс және басқа да ресейлік әртістер Украинаның әскери техникасын жойғандарға қомақты сыйақыға береміз деп жариялаған болатын. Сондықтан қазақстандықтар Ресейдің Украинаға қарсы агрессиясын қаржыландырмаймыз деп ғаламторда Лепстің концертіне қарсы шықты. Григорий Лепске елдің көзқарасын білген соң сахнасын беріп отырған Makao Luxury Village Resort «концертті ұйымдастырушылармен келісім-шартты біржақты бұзу туралы шешім қабылдадық, сатылып кеткен билеттердің ақшасын қайтарып береміз», - деді компания.
"Ал концертті ұйымдастырып отырған Темірлан Есенғазиев бұрынғы президент Нұрсұлтан Назарбаевтың жиені Нұрәлі Әлиевке тиесілі «Донателло» қонақ үйлер желісін алты жыл бойы басқарған", - деп жазады заңгер Бауыржан Азанов Facebook парақшасында. Бүгінде Есенғазиев Makao Luxury Village казиносының директоры.
