Сауда және интеграция министрі Бақыт Сұлтанов көкөністерді өзара жеткізу бойынша форвард келісімін жасасу үшін кеше Орталық Азиядағы көршілерге іссапармен кетті. Бұл туралы Сұлтанов кеше халыққа есеп беру жиынында айтқан.
Бақыт Сұлтанов есеп беру жиынында ішкі нарықты тұрақтандыру үшін нендей шаралардың қолға алынып жатқанын тізді. Осы шаралардың ішінде Орталық Азия елдерінен картоп, сәбіз, пияз, орамжапырақ сияқты көкөністерді форвард келісімімен жеткізу бар.
"Ішкі нарықты тұрақтандыру және экспортты болжау үшін көршілермен, мысалы, Қырғызстан, Өзбекстан, Тәжікстанмен тиісті келісімдерге қл жеткізуді жоспарлап жатырмыз. Бүгін Орталық Азия елдерінен картоп, сәбіз, пияз, орамжапырақ тәрізді көкөністерді өзара жеткізу бойынша форвард келісімін жасасу үшін кетіп барамын. Бізде маусым басталып, көкөністер піскен соң тиісті экспорт бағамен сол елдерге жеткіземіз. Ал маусым аралығында олардан делдалдар ұшыратын қымбат бағамен емес, алдын ала болжанған бағамен сатып алғымыз (көкністерді - ред.) келеді", - деді Сұлтанов.
Сауда және интеграция министрі көкөністерді мемлекет емес, бизнес құрылымдар сатып алу керек, сол себепті Тәжікстан мен Өзбекстанға өзімен бірге бизнесмендер делегациясын алып бара жатқанын жеткізді.
Байланысты жаналықтар
MalimBlocks
Сұлтанәлі Балғабаев: Дүниежүзі қазақтары қауымдастығын мен тіркетіп едім
Дүниежүзі қазақтары қауымдастығы төрағасы орынбасарлығынан үміткер бір шенеунік өзі бола алмаған соң, айтылған дүниелерді қағазға түсіртіп, құжат жасатпаған. Содан іздеп жүріп, сол жиынды жазып алған радионың бір қызметкерінен дыбысжазбаны алып, сол бойынша өзім хатшы ретінде протокол жасап, тиісті адамдардың қолын қойдырдым. Кейін ұйымның жарғысын жазып шықтым. Солайша, ұйымды Әділет министрлігіне тіркеттік.
