Соңғы күндері ресейлік нөмірі бар көліктерге қатысты дау көбейіп келеді. Жүргізушілер полицияның көліктерін айыппұлға қамап жатқанын айтып, әр қалада наразылық шараларын өткізе бастады.
Бүгін мәжіліс ғимаратына келген Бас прокурордың орынбасары Әсет Шындалиевтен журналистер осы мәселенің мәнін сұрады.
«Өз басым мен бұл мәселемен айналыспаймын. Сіздер секілді мен де ол жайлы бұқаралық ақпарат құралдарынан ғана біліп отырмын. Білуімше, ІІМ қазір ол іспен айналысып жатыр. Ең қиыны, бұл жерде көліктерді тіркеуде ғана емес, ол көліктердің бір бөлігінің іздеуде жүргендігінде, тіпті біразы есептен шығарылып, бізге тіркелмеген.
..Арасында қылмысқа қатыстысы, тіркелмегені, ұрланғаны дейсіз бе – бәрі бар. Оларға нөмір таға салған да жүре берген. Бұл көліктерді теуіп жүргендер тарапынан – бұл заңсыз. Заңға бағынуымыз керек. Егер заң бойынша көлікті тіркеу бізге міндетті болса, тіркеуіміз керек. Сіздің де, біздің де амандығымыз үшін тәртіп солай болуы тиіс», - деді ол.
Бұған дейін Ішкі істер министрлігі де Қазақстанда ресейлік нөмірде тіркелген автокөліктер заңсыз екенін айтқан болатын.
Мәселен, ІІМ Әкімшілік полиция Комитеті басқармасының бастығы Юрий Козлов былай деген еді.
«Ресейде есептен шығарылған және Қазақстанда тіркелмеген 80 мың автокөлік бар. Бұл көліктер тіркелгенге дейін пайдаланылмауы керек. Олар еркін жүріп, жол ережесін бұзады».
Оның алдында Ішкі істер министрі Ерлан Тұрғымбаев Қазақстанда ресейлік есепте тұрған 210 мың автомобиль бар екенін айтқан болатын.
Байланысты жаналықтар
MalimBlocks
Сұлтанәлі Балғабаев: Дүниежүзі қазақтары қауымдастығын мен тіркетіп едім
Дүниежүзі қазақтары қауымдастығы төрағасы орынбасарлығынан үміткер бір шенеунік өзі бола алмаған соң, айтылған дүниелерді қағазға түсіртіп, құжат жасатпаған. Содан іздеп жүріп, сол жиынды жазып алған радионың бір қызметкерінен дыбысжазбаны алып, сол бойынша өзім хатшы ретінде протокол жасап, тиісті адамдардың қолын қойдырдым. Кейін ұйымның жарғысын жазып шықтым. Солайша, ұйымды Әділет министрлігіне тіркеттік.
