Шымкент қаласында соңғы бір айда тоғыз ақ халатты абзал жан қайтыс болған. Ішінде дәрігер де, медбикелер де бар. Олардың алтауына қазаларынан кейін короновируспен батыл күрескендері үшін «Құрмет», «Барыс», «Парасат» ордендері берілген.
Бірақ бұл дәрігерлер мен медбикелердің қазасы коронавирустан емес, пневмониядан болған екен. Сондықтан қайтыс болған ақ халаттылардың туыстарына 10 миллион берілмейді екен.
Бұны Шымкент қаласының әкімі Мұрат Әйтенов түсіндірді деп хабарлайды КТК арнасы.
«Біз Бұл індетпен күресіп жүрген дәрігерлерді тастап қоймаймыз. Бізде қазір коронавируспен ауырған науқасты емдеу барысында дерт жұқтырып, содан қайтыс болған дәрігер жоқ.
Бірақ көбі ауырады да, ары қарай жұмыс істей береді. Жазылып шығып, бірден жұмысқа кіріседі. Бар қажырымен күресіп жатқан баршасына рахмет айтамыз», – дейді шымкент әкімі Мұрат Әйтенов.
ДДСҰ соңғы кезде Қазақстандағы белгісіз пневмонияға туралы пікір білдірген еді. Мамандардың пікірінше бұл да Ковид-19. Бірақ елімізде әлі пневмонияны коронавирус деп мойындаған жоқ. Пневмониямен қайтыс болғандарды да жалпы қайтыс болғандардың санына қосқан жоқ. Қазір коронавируспен қайтыс болғандарға қарағанда пневмониядан қайтыс болғандардың саны әлдеқайда артық деп дабыл қағылып жатыр.
Байланысты жаналықтар
MalimBlocks
Е.Досаевтың Қ.Тоқаевқа айтқан қауіпсіз жерлерін алматылықтар білмейді
Алматы қаласының әкімі Ерболат Досаев президент Қасым-Жомарт Тоқаевтың қабылдауында болып, жұмысына есеп берді. Атқарылған жұмыстардың ішінде ол «Алматыда төтенше жағдай кезінде көпшілік жиналатын 545 қауіпсіз орын бар» деп мәлімдепті.