Қалалық емхана дәрігерлері қымбат көлікпен қайда бармақшы?

Есдәулет Қызырбекұлы

  • 17.03.2021

Алматыдағы №12 қалалық емхана 24 500 000 теңгеге жеңіл автокөлік жалға алмақ.

Наурыздың 16-ы күні мемлекеттік сатып алулар порталына «Алматы қаласы Қоғамдық денсаулық басқармасының шаруашылық жүргізу құқығындағы "№ 12 қалалық емхана" коммуналдық мемлекеттік кәсіпорнының 24 500 000 теңгеге автокөлік жалға алуға» тендер жариялағаны көрсетілген хабарландыру ілінді. № 39729627-ОК2 лотына қатысушылардың тапсырысын қабылдау 2021ж.03.16 басталып, 2021ж.03.26 аяқталады. Бірақ, сатып алынатын қызметтердің техникалық ерекшеліктері жөніндегі хаттамада «қызмет көрсету мерзімі 2021 жылдың 1 наурызынан 31 желтоқсанына дейін», - делінген. Яғни, қызмет көрсету уақыты тендер өтпей жатып басталып кеткен.

Бұдан бөлек, хаттамада автокөліктің 2017 жылдан ескі болмауы керекті, 4 есікті, жақсартылған конфигурацияда, қозғалтқыш көлемі 2000 текше/см-ден аспайтын, ABS, SRS, Gur, air conditioning қауіпсіздік жүйелері бар болу қажеттігі айтылған.

Лотты ұтып алған өнім берушіге қойылатын талаптар арасында «автокөліктің барлық шығынын өтеу, жүргізушінің «В» санатындағы куәлігі, медициналық кітапшасы мен көлік айдау тәжірибесі болуы және штатта жүргізушіні күделікті медициналық тексеруден өткізетін медқызметкер мен автокөліктің техникалық жағдайын қарайтын механиктің болуы қажет» деген пункттері бар.

Қазіргі уақытта «12 қалалық емхана» қойған талаптар бойынша алуан түрлі автокөлікті жалға алуға болады. Мысалы, 2019 жылы шыққан, қозғалтқыш көлемі 2.0 текше/см Hyundai Sonatа немесе Toyota Camry 70 көліктерін күніне 20-30 мың теңгеге жалға ала аласыз. Бұл сомманы бір жылға (365 күнге) көбейтсеңіз 7 300 000 немесе 10 950 000 теңге шығады. Әзірге «12 қалалық емхананың» 24, 5 миллион теңгеге қандай көлік жалға алайын деп жатқаны белгісіз. Бірақ оның біз мысалға келтірген көліктерден әлде қайда қымбат болатыны анық.

Байланысты жаналықтар

Алматыда трактор өртеніп кетті

23.07.2024

Доллар мен рубльдің бүгінгі бағамы қандай

23.07.2024

Бүгін елдің басым бөлігінде аптап ыстық болады

23.07.2024

Алматыда 5 пайыздық ипотекаға өтінім қабылдау басталады

22.07.2024

Алматыда қызға таласқан жас жігіттер пышақтасып, 17 жастағы бозбала ажал құшты

20.07.2024

Алматыда жолақы құны 120 теңге болуы мүмкін

19.07.2024
MalimBlocks
Алматыда трактор өртеніп кетті

Өрт сөндірушілер отты шақырту түскен сәттен бастап 23 минутта сөндірді.

Доллар мен рубльдің бүгінгі бағамы қандай

Ұлттық банктің 23 шілдеге арналған ресми бағамы – 1 долларға 473,15 теңге.

Бүгін елдің басым бөлігінде аптап ыстық болады

Астанада күндіз найзағай күтіледі.

Алматыда 5 пайыздық ипотекаға өтінім қабылдау басталады

Құжат қабылдау 29 шілде мен 7 тамыз аралығында өтеді

Алматыда қызға таласқан жас жігіттер пышақтасып, 17 жастағы бозбала ажал құшты

Оқиға орнынан қашып кеткен күдіктіні полицейлер көп ұзамай құрықтаған

Алматыда жолақы құны 120 теңге болуы мүмкін

Бұл жөнінде қалалық мәслихаттың кезектен тыс XXI сессиясында айтылды