Қазақстанда 3 300 балаға вакцина салынды
Балаларға вакцина тек ата-аналардың және дәрігерлердің рұқсатымен жүргізіледі. Сонымен қатар, Pfizer вакцинасы жүкті және емізулі әйелдерге, қатерлі топтағы азаматтарға салынады.
![](/images/article-img/1600/17289-1637136909-m.jpg)
Елімізде 3 300 бала коронавирусқа қарсы Pfizer вакцинасын салдырды.
«Елімізде коронавирус балалар вакцинациясы басталды. Вакциналау екі жерде – мектептерде және емханаларда жүргізіледі. Ол ата-аналардың қалауымен шешіледі. Бүгінгі таңда ел бойынша 3 300 бала вакцина алып үлгерді. Дәрігерлермен де кездесіп жатырмыз, барлық облыстық денсаулық сақтау басқармаларымен сөйлесіп отырмыз. Балаларға қатты жанама әсер болған жоқ», - деді денсаулық сақтау вице-министрі Ажар Ғиният.
Айта кетейік, елімізге Pfizer вакцинасының 379 мың дозасы жеткізілді. Министрлік Pfizer компаниясының Comirnaty (Pfizer) вакцинасының 4 млн 230 мың дозасын вакцина сатып алды. Бұл 2 млн 115 мың адамды қамтуға мүмкіндік береді.
Байланысты жаналықтар
MalimBlocks
![](/images/article-img/600/23547-1721981565.jpg)