Қазақстанда жаңа туылған нәрестеге ең көп қойылатын есімдер қандай? ҚР Статистика комитетінің 2020 жылдың қаңтар-мамыр аралығында жариялаған деректерін сүзіп шықтық.
Ұлдар
Қазақстандықтар жылдың басынан бері жаңа туған ұл бала нәрестеге ең көп қойылған есім – Әлихан. Қаңтар мамыр аралығында бұл есім 1779 ұл балаға қойылған.
Қызығы, Раман айы сәбиге есім қоюға әсер еткен. Сәуір айында Рамазан есімі 1068 балаға қойылса, мамыр айында осы есім 1643 балаға берілген. Сәуір-мамыр аралығында ең көп қойылған есімдердің көшбасында Рамазан тұр. Осы екі айда бұған дейін қатты танымал болған Әлихан есімі небәрі 665 рет қана қойылып, ең жиі қойылатын екінші есім болған.
Қазақстандықтар ұл балаға ең көп қоятын үшінші есім – Айсұлтан. Соңғы бес айда бұл есім 1484 балаға берілді.
Сатистика комитетінің деректері қазақстандықтар әлі де «нұр» тіркесі бар есімді көп қоятынын айғақтайды. Дегенмен ең көп қойылатын төртінші есім – Нұрислам екенін ескерсек, қазақстандықтар балаға Алланың нұры жаусын деген ниетпен осы есімді таңдайтын сияқты. Қаңтар айынан бері бұл есім 1222 нәрестеге берілген.
Қызығы, қазақстандықтар балаға таза қазақша ат қойып жатқанымен, есімдердің көпшілігі орысша жазылып жатқандай. Мәселен, бесінші орындағы ең көп қойылатын есім – Амир. 934 қазақстандық ұл баланың есімін Әмір деп емес, Амир деп қойған.
Және алтыншы орындағы ең көп қойылатын есім – Алинұр. Соңғы бес айда 848 нәрестеге осы есім қойылған.
Қыздар
Қызбалаға ең көп қойылатын есімдердің көш басында Медина есімі тұр. Қаңтардан бері 2223 қыз балаға Медина есімі қойылған.
Екінші орында – Раяна есімі. 2111 қыз бала нәрестеге ата-анасы осы есімді таңдаған.
Үшінші орында – Айлин есімі. 1801 қызбалаға қойылған.
Ең көп қойылған есімдердің ішінде төртінші орында Асылым есімі тұр. 1783 қызбалаға қойылыпты.
Топ-10 есімдердің қатарында Айзере (1727), Айша (1715), Айым (1562) және Аяла (1557) бар.
Фото: kaz.caravan.kz
