Ресейден шыққан от Семей орманын жалмады
Бүгін Абай облысы Бородулиха ауданында төтенше жағдай режимі жарияланғанын Үкімет отырысында Абай облысының әкімі Нұрлан Ұранхаев айтты.
Өйткені 22 мамырда тұтанған өрт 3,5 мың гектар жерге жеткен. Облыс әкімі елді мекендерге қауіп төнбегенін, бірақ сақтық үшін 277 адам туыстарының үйлеріне эвакуацияланғанын, тонау фактілерінің алдын талу үшін эвакуциялау орындарында 20 полиция қызметкері кезекшілік етіп жатқанын мәлімдеді.
Орман өртін сөндіруге 201 техника, 8 тікұшақ, 1 өрт сөндіру пойызы және 852 адам жұмылдырылуда.
Үкімет басшысы Әлихан Смайылов Абай облысындағы өртті тез сөндіруге тапсырма берді.
«Экология министрлігі Төтенше жағдайлар министрлігімен бірлесіп, өрт ошақтарын толық жойып, келтірілген залалды бағалау үшін «Семей орманы» резерватының аумағына тексеру жұмыстарын жүргізуі қажет. Бақылау Үкімет басшысының бірінші орынбасары Роман Склярда»,- деді ол.
