Бүгін видео арқылы селекторлық жиналыс өткізген Өзбекстан президенті Шавхат Мирзиеев Сардоба су қоймасының жарылуынан болған апатты сөз етті. Ш.Мирзиеев Қазақстанның Түркістан облысы Мақтаарал ауданындағы бірнеше елдімекенді су басқанына өкініш білдіріп, Өзбектан қажет болса Қазақстанға көмектесуге дайын екенін мәлімдеді.
"Өкінішке қарай, Сардобадағы апат салдарынан көршілес Түркістан облысы Мақтаарал ауданындағы бірнеше елдімекенді су басты. Біз бұл мәселені кеше Қазақстан президенті Қасым-Жомарт Тоқаевпен телефон арқылы талқыладық.
Біз іргедегі қазақ бауырлармен бұрыннан бір-бірімізге жақынбыз, бір өзеннен су іштік, туыстар тәрізді жақынбыз. Үнемі бір-бірімізге арқа сүйеп, қуанышта да, сын сағатта да бір-бірімізге қолдау көрсеттік. Аяқ астынан болған техногенді апат өз халқымызға ғана емес, көршілес бауырларымызға да шығын келтіріп, әуре-сарсаңға салғаны үшін ұяттымыз. Елдімекендер мен егіс алқаптарына зардап келгеніне қатты өкінеміз. Біздің үкімет, тиісті министрліктер мен ведомстволар, жергілікті жердегі хокимияттар, жауапты адамдар мен сарапшылар, сондай-ақ қазақстандық әріптестеріміз апат салдарын жою үшін бірігіп күреседі. Сондай-ақ біз апат салдарын үшін қазақ бауырларымызға көмектесуге әзір екенімізді айттық", - деді Өзбекстан президенті.
Бүгін түсте экология, геология және табиғи ресурстар вице-министрі Сергей Громов Өзбекстан Сардоба су қоймасын Қазақстан келісімінсіз салған, Қазақстан Өзбекстанға наразылық нотасын әзірлеп жатыр" деп мәлімдеген. бірақ түстен кейін сыртқы істер министрлігінің ресми өкілі Айбек Смадияров мұны теріске шығарып, Қазақстан су апатына байланысты Өзбекстанға наразылық нотасын жолдамайтынын мәлімдеді.
Фото: Дилара Иса, Azattyq.org
Байланысты жаналықтар
MalimBlocks
Садақашыл қоғам мен уәдешіл үкіметтің бір жылы
Неге бұлай болды, неге адамдар өзіне қол жұмсайды, неге наразылыққа шыға береді, неге зейнет жасын төмендетуді сұрайды, неге жәрдемақыны көтеруді талап етеді деген зерттеулер жүргізілмейтін, тек әр оқиғаның салдарымен ғана күресетін және шамасы келгенше жылы жауып тастауға тырысатын мемлекетте тағы бір жылды өткіздік...