Семейде еріген қардың салдарынан қала көшелерін су басты. Қазіргі уақытта қала көшелерінен 1500 текше метрден астам су тартылды, деп хабарлайды Төтенше жағдайлар министрлігінің баспасөз қызметі.
«Жергілікті атқарушы органдар күшімен Щорс, Кирпичный, 3-ші Лодочная, Восточный және Подгорная кенттері, сондай-ақ қаланың басқа бөліктерінде су айдау жұмыстары жүргізілді, «Теплокомэнерго» МКҚК-мен бірлесіп инертті материал таратылды. Департамент қызметкерлері Красин, Садовая және Менжинский көшелеріндегі аула аймақтарынан су айдау жұмыстарын жүргізді. Арық жүйесін тазарту үшін ТЖМ 68303 Ә/Б күштері мен құралдары жұмылдырылды. Қазіргі уақытта қала көшелерінен 1500 текше метрден астам су тартылды», - делінген ақпаратта.
Жұмыстарға ЖАО, ТЖД және 68303 ӘБ-нің жеке құрамның 60-тан астам адамы және 20-дан астам техника жұмылдырылды.
Жергілікті атқарушы органдары және ТЖД күштері қала көшелеріндегі ахуалға мониторинг жүргізеді.
