"СҚ-Фармация" Қытайдан  1 миллион вакцина сатып алды

Malim Админ

  • 27.04.2021

«СҚ-Фармация» «Самұрық-Қазына» ұлттық әл-ауқат қоры АҚ ұжымын вакцинациялау үшін Қытайдың "Sinopharm" компаниясынан Hayat-Vax (SARS-CoV-2 (Vero Cell) вакцинасының 1 миллион  дозасын сатып алды. Бұл туралы денсаулық сақтау министрлігі хабарлады.

Қытай вакцинасы алдымен "Самұрық-Қазына" ұлттық әл-ауқат қорының қызметкерлеріне салынады. Содан кейін қалған вакцина коронавирусқа қарсы екпе салдырғысы келетін халыққа беріледі.

" 30 сәуірге дейін 400 000 доза, мамыр айында 600 мың доза жеткізілмек".

"Бұл вакцина Қазақстана тіркелген бе?" деген сұрағымызға денсаулық сақтау министрлігінің баспасөз хатшысы Әсел Артақшинова Hayat-Vax вакцинасына уақытша тіркеу берілгенін жеткізді.

Hayat-Vax вакцинасы клиникалық сынағының 3-кезеңі туралы мақала жарияланбаған.

Қытай вакцинасының тиімділігі төмен екенін Қытайдағы ауруларды қадағалау жөніндегі орталық басшысы Гао Фу мәлімдеген. 10 сәуір күні брифингте Қытай шенеунігі вакцинаның тиімділігі төмен екенін мойындап, оны тиімді ету үшін басқа вакциналармен бірге қолдану мүмкіндігін қарастырып жатқанын жеткізді.

Қытайдың Sinopharm компаниясы өз вакцинасының атауын ауыстырып, Біріккен Араб Әмірліктеріндегі G42 технологиялық компаниямен біріккен кәсіпорында Hayat-Vax вакцинасын өндіретінін хабарлаған. 

БАӘ-де Қытай вакцинасы өндіріліп жатқанын британдық Guardian басылымы үшінші кезеңдегі сынақтың ғылыми тұрғыдан ашық еместігіне, ешбір жарияланымның шықпағанына назар аударады. Дәл осы үшінші сынақтағы кезең вакцинаның қаншалықты тиімді және жағымсыз әсері қандай болуы мүмкін екенін анықтайды.

Анықтама: алдын ала толтырылған шприцте немесе құтыда инактивацияланған "Sinopharm" Hayat-Vax (SARS-CoV-2 (Vero Cell) COVID-19 коронавирустық инфекциясына қарсы вакцинасы, сақтау шарттары +2 - +8 градус. 1 адамға вакцинаның 2 дозасын енгізу ұсынылады, екінші доза бірінші инъекциядан кейін 14 күннен соң жүргізіледі.

 

 

Байланысты жаналықтар

ДДСҰ не дейді, Біртанов не дейді?

05.06.2020

"Денсаулық сақтау жүйесінің шамасы жоқ"

27.06.2020

Цойдың орынбасары: Біртановтың ұсталғаны ауыр тиді

04.11.2020

Алексей Цой Нұрлан Нығматулиннің сынына жауап берді

05.05.2021

Цойды сотқа шақыру сұралды

28.04.2021

Бір айда 8 миллион маска сатылып кеткен

04.03.2020
MalimBlocks
ДДСҰ не дейді, Біртанов не дейді?

"Денсаулық сақтау жүйесінің шамасы жоқ"

Цойдың орынбасары: Біртановтың ұсталғаны ауыр тиді

Алексей Цой Нұрлан Нығматулиннің сынына жауап берді

Цойды сотқа шақыру сұралды

Бір айда 8 миллион маска сатылып кеткен