Елорда әкімі Алтай Көлгінов ел астанасы Нұр-Сұлтанға бұрынғы Астана атауын қайтару туралы пікір білдірді. Оның пікірінше, қала атауы қазіргі атымен қала беруге тиіс. Ол бұл туралы Орталық коммуникациялар қызметінде өткен брифингте айтты.
Астананың Нұр-Сұлтан атануына қатысты қоғамдық пікір қала атауы өзгергелі бері қарсылыққа толы. Астана атауын қайтару туралы президент Қасым-Жомарт Тоқаевтың атына петиция да жолданған. Бірақ, билік тарапы бұл мәселеге қатысты қандай да бір мәлімдеме жасаған жоқ.
Петиция жолданғанына қарамастан, осыдан бір апта бұрын ғана премьер-министрдің орынбасары Ералы Тоғжанов «қала атауын өзгертуге қатысты ешқандай қажеттілік көріп тұрған жоқпын» деп жауап берген. Көлгіновтің жауабы да осыған ұқсас. Және ол қала атауын өзгертуді тарихи шешім деп атады.
«Тарихи шешім қабылданды. Қаланың ресми атауы – Нұр-Сұлтан. Біз осы қалада тұрып жатырмыз және жұмыс істеп жатырмыз. Мен бәрінің атауын өзгерте беруді қолдамаймын. Мен қабылданған шешімге баға бере алмаймын», - деді ол.
Астана қаласының атауы Қасым-Жомарт Тоқаев уақытша президент болып тағайындалған күннің ертеңіне, ант қабылдау рәсімінде экс-президент Нұрсұлтан Назарбаевтың құрметіне "Нұр-Сұлтан" деп өзгертілген. Ол кезде "тарихи шешімге" халық араласқан жоқ, елден референдум өткізіп пікір сұралмады. Қоғамда белсенділер мен қарапайым тұрғындардың көпшілігі қала атауы Қаңтар оқиғасынан кейін ауысуға тиіс деп есептейді.
Байланысты жаналықтар
MalimBlocks
Сұлтанәлі Балғабаев: Дүниежүзі қазақтары қауымдастығын мен тіркетіп едім
Дүниежүзі қазақтары қауымдастығы төрағасы орынбасарлығынан үміткер бір шенеунік өзі бола алмаған соң, айтылған дүниелерді қағазға түсіртіп, құжат жасатпаған. Содан іздеп жүріп, сол жиынды жазып алған радионың бір қызметкерінен дыбысжазбаны алып, сол бойынша өзім хатшы ретінде протокол жасап, тиісті адамдардың қолын қойдырдым. Кейін ұйымның жарғысын жазып шықтым. Солайша, ұйымды Әділет министрлігіне тіркеттік.
