Тәуелсіздіктің 30 жылдығына орай рақымшылыққа кімдер ілігетіні белгілі болды. Аталмыш Заң жобасы туралы мәжілісте ішкі істер министрі Ерлан Тұрғымбаев айтты. «Тәуелсіздіктің 30 жылдығына байланысты рақымшылық жасау туралы» жоба президент Қасым-Жомарт Тоқаевтың тапсырмасы бойынша дайындалған.
“2236 сотталған адамға және пробация қызметінің есебінде тұрған 11 310 адамға рақымшылық жасалады”, - деді министр.
Тұрғымбаевтың сөзінше, ауыр қылмыс жасаған адамдарға рақымшылық жасалмайды. Рақымшылық ардагер, кәмелетке толмаған не егде жастағы азаматтарға, 1-2 топтағы мүгедектерге, азаматтар мен мемлекеттің қауіпсіздігіне елеулі қатер төндірмеген адамдарға қатысты қолданылады. Осылайша отыз жылдыққа орай 2236 сотталушы мен 11 310 пробацияда тұрған азаматқа рақымшылық жасалады.
Одан бөлек, министр Қазақстанда 64 мекеме мен 16 тергеу изоляторында 34 мыңнан астам адам барын айтты, оның отыз мыңы сотталған, төрт мыңы қамауға алынған. Олардың 93 %-ы ауыр және аса ауыр қылмыстар жасаса, 45 %-ы бұрын қылмыстық жауапкершілікке тартылған. Бұдан өзге 32 мыңнан аса адам пробация қызметінің есебінде тұр.
Байланысты жаналықтар
MalimBlocks
Сұлтанәлі Балғабаев: Дүниежүзі қазақтары қауымдастығын мен тіркетіп едім
Дүниежүзі қазақтары қауымдастығы төрағасы орынбасарлығынан үміткер бір шенеунік өзі бола алмаған соң, айтылған дүниелерді қағазға түсіртіп, құжат жасатпаған. Содан іздеп жүріп, сол жиынды жазып алған радионың бір қызметкерінен дыбысжазбаны алып, сол бойынша өзім хатшы ретінде протокол жасап, тиісті адамдардың қолын қойдырдым. Кейін ұйымның жарғысын жазып шықтым. Солайша, ұйымды Әділет министрлігіне тіркеттік.
