Қазақстанда алты мыңға жуық учаскелік полиция инспекторы бар. Олардың көмекшілерінің саны 600. Бүгін астанада Орталық Коммуникациялар қызметінде ІІМ әкімшілік полиция комитетінің төрағасы Мұрат БАЙМҰҚАШЕВ баспасөз мәслихатын өткізді.
Генерал Баймұқашев учаскелік полиция инспекторларының жұмысы өте көп дейді. Кейбір ауылдарда олар жалғыз заң өкілі. Сондықтанда ішкі резерв есебінен көмекшілерінің саны көбейту жоспарда екен. Яғни көмекшілер саны мың адамға толығады.
Учаскелік полиция инспекторларының айлығы 170-260 мың теңге аралығында екен.
«2019 жылы олардың айлығы 20 пайызға өсті. Биыл көмекшілерінің айлыңы 30% көбейді. Келесі жылы учаскелік полиция еңбекақысы 30% артса, көмекшілерінікі 7% көтеріледі. Олардың атқаратын функциялары көп. Тұрмыстық зорлық зомбылық, қылмыстық іс, қоғамдық тәртіп, әкімшілік хаттама толтыру, прафилактикалық қаншама жұмыстар бар. Осының барлығын жеңілдету үшін техникалық базаны күшейтуді де қолға алып жатырмыз», - деді генерал Мұрат Баймұқашев.
Учаскелік полиция инспекторлары сыбайлас жемқорлыққа қаншалықты қатысы бар деген сауалға да жауап берілді.
«Жалпы, учаскелік полиция арасындағы қылмыс жыл сайын азайып келеді. Өйткені жұмыстар атқарып жатырмыз. Еңбекақыны көтеру, баспанамен қамту сынды мәселер де шешіліп жатыр. Сыбайлас жемқорлық бойынша жыл басынан бері үш-ақ факті тіркелді», - деді Мұрат Баймұқашев.
Фото ғаламтордан алынды.
Байланысты жаналықтар
MalimBlocks
