Отыз бес қызбен көңіл қосқан азамат алаяқ па?
Жапония полициясы отыз тоғыз жастағы Такси МИЯГАВА есімді азаматты тұтқындады. Күдікті отыз бес қызбен кездесіп жүр екен. Бәріне отбасын құрайық деп сөз айтқан екен. Бұндай ақпаратты Japan Today жариялады.
Кансай аймағында тұратын азамат жұмыссыз. Жалғыз басты қыз-келіншектердің жүрегін жаулаумен айналысқан. Әр қызға өзінің туған күнін әртүрлі күнге белгілеп айтып, түрлі сыйлықтарға ие болған. Бір қызға туған күнім сәуірде десе, екіншісіне ақпан, үшіншісіне шілде деген. Осылайша жыл он екі ай түрлі сыйлықтар алып шыққан. Бас-аяғы ақшалай сыйлық мың доллар. Оның сыртында костюм тағы да басқа сыйлықтар бар.
Қыз-келіншектер сүйіктісіне арнайы торт та дайындаған. Және болашақ жарларының туған күн кешінен фотоларды әлеуметтік желіге жүктеп отырған. Осылайша отыз бес «қалыңдық» бір-бірімен танысып, «күйеу жігіттің» өтірігі әшкереленген. Содан кейін әйелдер полицияға шағым түсіріпті. Қазір сотқа дейін алаяқтық бабы бойынша тергеу жұмыстары жүріп жатыр.
Фото: tjournal.ru
Байланысты жаналықтар
MalimBlocks
