Қызылорда облысының басшысы Гүлшара Әбдіқалықова 3 мәрте «Алтын домбыра» иегері Мұхтар НИЯЗОВ пен «Дарын» мемлекеттік жастар сыйлығының иегері Күнсұлу ТҮРКІПЕНДІ қабылдады. Қос өнерпазды жетістіктерімен құттықтап, жыршыға домбыра, айтыскерге қаржылай сыйақы берді.
Мұхтар Ниязов астанада өткен «Абай тағылымы – Тәуелсіздіктің тірегі» атты республикалық ақындар айтысында бас жүлдегер атанды. Қалалық мәдениет және тілдерді дамыту бөлімінің басшысы осымен үшінші мәрте «Алтын Домбыра» иегері атанды. Ал Күнсұлу Түрікпен Қазақстан Республикасының Үкіметінің қаулысымен «Дарын» мемлекеттік жастар сыйлығына ие болды.
«Сыр бойы Қазақстан Республикасының Тұңғыш Президенті Елбасы Нұрсұлтан Әбішұлы Назарбаев айтқандай «Сыр – Алаштың анасы» деп дәріптеліп келеді. Алты алашта «Сыр елі – жыр елі» деген сөз ежелден келе жатқан ұғым бар. Ескіден жеткен есті сөз қазіргі уақытта халықтың бағасына айналды. Киелі өлкеде өнердің саф алтындай өскіні өркендеп, ақындық пен жыршылықтың алтын тамыры ұрпақтан ұрпаққа жалғасып келеді. Осының дәлелі, кеше ғана Елордада өткен «Абай тағылымы – Тәуелсіздіктің тірегі» атты республикалық ақындар айтысында жерлесіміз ақын Мұхтар Мәуленұлы Ниязов «Бас жүлдені» иеленіп, үшінші мәрте «Алтын Домбыра» иегері атанды. Сіздерді барша жерлестеріңіздің атынан жеңістеріңіз, марапаттарыңызбеншын жүректен құттықтаймын», - деді облыс әкімі Гүлшара Әбдіқалықова.
Байланысты жаналықтар
MalimBlocks
