Америкалық белгілі тележүргізуші қазақы стильдегі жейделерді саудаға шығарды
Одан түскен табысын Қазақстандағы қайырымдылық қорына аудармақ
ESPN телеарнасының комментаторы әрі жүргізушісі Лора Санко қазақы стильдегі сурет бастырылған жейделерін саудаға шағарды, деп хабарлайды Malim.kz.
Бұл бизнесін ол Full Violence брендімен бірлесіп қолға алғанын мәлімдеді.
Соңғы бір жыл ішінде қазақ жанкүйерлерінің қолдауы мені қатты қуантты. Мен сіздердің мәдениеттеріңізді, дәстүрлеріңізді және ғажайып тарихтарыңызды білуді жақсы көрдім. Қазақ жанкүйерлеріне алғыс ретінде, осы жейдеден түскен барлық табысымды Қазақстандағы қайырымдылық ұйымына аударамын (қай ұйым екенін алдағы апталарда хабарлаймын), деп жазды ол әлеуметтік желідегі парақшасында.
Қазір ол Шавкаттың менеджерімен бұл мәселені үйлестіру үстінде екенін жазды. Сондай-ақ, «қабылданған әпкеміз» деп жылы қабылдағаны үшін қазақ жанкүйерлеріне алғысын білдіріп, Қазақстанға жақын арада келуге асық екенін айтқан.
Фото: instagram/laura_sanko
Байланысты жаналықтар
MalimBlocks
