Бокстан Азия чемпионаты: Махмұд Сабырхан жарыс жолына шығады
Махмұд жетінші жұпта Қытайлық Тайбэй өкілі Ян-Лин Лаймен жұдырықтасады
Таиланд корольдігінің Чиангмай қаласында бокстан ерлер және әйелдер арасында өтіп жатқан Азия чемпионатында төртінші жарыс күні ел намысын үш спортшы қорғайды.
Сағат 12.00-де басталатын додада бокстан әлем чемпионы Махмұд Сабырхан 54 келіге дейінгі салмақта Қазақстаннан бірінші болып рингке көтеріледі.
Махмұд жетінші жұпта Қытайлық Тайбэй өкілі Ян-Лин Лаймен жұдырықтасады.
Он бірінші жұпта әйелдер арасында Аида Әбікеева 63 келіге дейінгі салмақта өзбекстандық Дильфуза Бековамен шеберлік байқасады.
Он төртінші жұпта Милана Сафронова 66 келіге дейінгі салмақта тағы бір тайбэйлік Ли Минді сынап көреді.
Осыған дейін рингке шыққан төрт қазақстандық боксшы жарысты жалғастырады. Ал Алуа Балқыбекова денсаулығына байланысты құрлықтық бәсекеден тыс қалды.
Фото: instagram.com/sabyrkhan_makhmud
